Aku cukup rindu ke pengawa ngambar sebarang utai ke ngasuh rindu mata meda. enda tau meda utai nyelai mimit sigi digambar aku. Suba aku semina bebai ke kamera ke ngena kodak/negative. Sigi empai kala pungkang kamera. Udahnya dunya nyu mansang agi, meda orang ngena kamera 'digital', aku pan bisi ngembuan mega. Macam2 kamera. Diatu, nyu jauh agi mansang, semua orang ngena kamera ke canggih serta baru, ianya DSLR..aku pan ngembuan mega. Aku tak sigi rindu amat ke pengawa ngambar objek, pemandangan, serta sebarang utai ke ngasuh rindu ati meda.
Nya alai, aku ngaga blog tu, ukai tegal nenama, tang mina rindu ati bekunsi ke sebarang asil utai ke udah digambar. Aku baru mula ngena kamera ke canggih tu, nya alai minta ampun sema gambar-gambar ke dipansut ke aku dalam tu mina gambar biasa aja. Ke lebih penting, ati aku puas...
CHECK 'em OUT
Pengarang,
Juliana M.
